Ստեղծարար ու նորարար մտածելու ունակությունը անփոխարինելի է այսօրվա դինամիկ և արագ զարգացող առօրյայում: Գործատուները գնահատում են այն անհատներին, ովքեր կարող են արդյունավետ կերպով բարձրաձայնել նոր գաղափարներ, խնդիրներին մոտենալ յուրահատուկ տեսանկյունից և ստեղծել նորարար լուծումներ: Այս դասընթացը նախատեսված է բոլոր ոլորտների մասնագետների, ուսանողների, ձեռնարկատերերի և բոլոր նրանց համար, ովքեր ձգտում են բացահայտել ու զարգացնել իրենց ստեղծագործական ներուժը:

Դասընթացը տրամադրում է մի շարք գործիքներ, որոնցից ոմանք կատարյալ են անհատական օգտագործման համար, իսկ մյուսները՝ արդյունավետ են խմբային աշխատանքում: Սա թույլ է տալիս խթանել յուրաքանչյուր անձի ստեղծարարությունը և միաժամանակ օգտագործել խմբի գաղափարների հավաքական ուժը՝ նոր, արդյունավետ լուծումների հասնելու համար:

Դասընթացի ավարտին դուք կկարողանաք.
· Ընտրել և կիրառել մտագրոհի համապատասխան գործիքակազմը յուրահատուկ մարտահրավերների համար:
· Կառուցել և օգտագործել մորֆոլոգիական վերլուծության մոդելը՝ բազմազան և նորարար լուծումներ սինթեզելու համար:
· Հասկանալ և կիրառել ՏՐԻԶ հակասությունների մատրիցայի հիմունքները՝ գյուտարարական սկզբունքները բացահայտելու համար:

ՀԻՄՆԱԿԱՆ ԹԵՄԱՆԵՐԸ
· Ստեղծարարության հիմունքներ. Ստեղծարարություն և դրա կարևորության սահմանում:
· Մտագրոհ և գաղափարների գեներացում. Գաղափարներ առաջացնելու տարբեր մեթոդների ուսումնասիրում:
· Մտավոր արգելափակումների հաղթահարում. ստեղծարարության խոչընդոտների բացահայտում և հաղթահարում:
· Ստեղծարար խնդիրների լուծման մեթոդոլոգիաներ. բարդ խնդիրների լուծման համար կառուցվածքային մոտեցումների կիրառում:
· Մորֆոլոգիական վերլուծություն. Կառուցվածքային վերլուծության կիրառում գաղափարների ստեղծման համար:
· TRIZ և հակասությունների մատրիցա. խնդիրների լուծման հնարամիտ մեթոդների կիրառում:
· SCAMPER Տեխնիկա. SCAMPER-ի կիրառում գաղափարների կատարելագործման և նորարարության համար:
· Ինտեգրված ստեղծագործական գործիքի կիրառում. տարբեր գործիքների համադրում խնդիրների համապարփակ լուծման համար:
Դասընթացին կարող են մասնակցել բոլոր ցանկացողները։

ԱՅԼ ՄԱՆՐԱՄԱՍՆԵՐ
Ձևաչափը՝ առկա
Դասընթացի օրեր՝ ապրիլի 12-ին և 13-ին, ժամը 14:00-17:00-ը
Դասընթացի տևողություն՝ 6 ժամ, օրական3 ժամ + սուրճի ընդմիջում
Արժեքը՝ 33,000 դրամ (ընդհանուր)

Դասընթացը կվարի ոլորտում ավելի քան 20 տարվա փորձ ունեցող Մարգարետ Բաբուրյանը